ಇಸ್ರೇಲ್ : ಗಾಜಾದಲ್ಲಿ ಇಸ್ರೇಲ್ ನಡೆಸಿದ ದಾಳಿಯಲ್ಲಿ ಐವರು ಪತ್ರಕರ್ತರು ಸಾವನ್ನಪ್ಪಿದ್ದಾರೆ. ಆಸ್ಪತ್ರೆಯ ಪ್ರಕಾರ, ಇಸ್ರೇಲ್ ದಾಳಿಯಲ್ಲಿ ಅಲ್-ಕುದ್ಸ್ ಟುಡೇ ಟೆಲಿವಿಷನ್‌ಗೆ ಸೇರಿದ ವಾಹನದಲ್ಲಿದ್ದ, ಐವರು ಪತ್ರಕರ್ತರು ಸಾವನ್ನಪ್ಪಿದ್ದಾರೆ. ದಾಳಿ ವೇಳೆ ಈ ವಾಹನ ಅಲ್-ಅವ್ದಾ ಆಸ್ಪತ್ರೆಯ ಹೊರಗೆ ನಿಂತಿತ್ತು.
ಮೃತ ಪತ್ರಕರ್ತರಾದ ಅಯ್ಮಾನ್ ಅಲ್-ಜಾದಿ, ಫೈಸಲ್ ಅಬು ಅಲ್-ಕುಮ್ಸಾನ್, ಮೊಹಮ್ಮದ್ ಅಲ್-ಲದಾ, ಇಬ್ರಾಹಿಂ ಅಲ್-ಶೇಖ್ ಅಲಿ ಮತ್ತು ಫಾದಿ ಹಸ್ಸೌನಾ ಅವರು ದಾಳಿಯ ಸಮಯದಲ್ಲಿ ವಾಹನದಲ್ಲಿ ಮಲಗಿದ್ದರು ಎಂದು ತಿಳಿದು ಬಂದಿದೆ.
ಅಲ್-ಕುಡ್ಸ್ ಟುಡೇ ಟೆಲಿವಿಷನ್ ಇಸ್ರೇಲ್ ದಾಳಿಯನ್ನು ಖಂಡಿಸಿದೆ ಮತ್ತು ಐವರು “ತಮ್ಮ ಪತ್ರಿಕೋದ್ಯಮ ಮತ್ತು ಮಾನವೀಯ ಕರ್ತವ್ಯವನ್ನು ನಿರ್ವಹಿಸುವಾಗ” ಮೃತಪಟ್ಟಿದ್ದಾರೆ. ತಾನು “ನುಸೇರಾತ್ ಪ್ರದೇಶದ ಇಸ್ಲಾಮಿಕ್ ಜಿಹಾದ್ ಭಯೋತ್ಪಾದಕ ಸೆಲ್” ಮೇಲೆ ದಾಳಿ ನಡೆಸಿರುವುದಾಗಿ ಇಸ್ರೇಲಿ ಮಿಲಿಟರಿ ಹೇಳಿದೆ. ಆದಾಗ್ಯೂ, ಅದು ತನ್ನ ಆರೋಪಗಳಿಗೆ ಯಾವುದೇ ಪುರಾವೆಯನ್ನು ಒದಗಿಸಿಲ್ಲ ಎನ್ನಲಾಗಿದೆ.