ಬೆಂಗಳೂರು : ಕೋಚ್ ಗಳಲ್ಲಿ ಇಲಿಗಳು ಮತ್ತು ಜಿರಳೆಗಳ ಬಗ್ಗೆ ಪ್ರಯಾಣಿಕರಿಂದ ಪದೇ ಪದೇ ದೂರುಗಳು ಬಂದ ನಂತರ, ಬೆಂಗಳೂರು ರೈಲ್ವೆ ವಿಭಾಗ ಸಮಸ್ಯೆಯನ್ನು ಪರಿಹರಿಸಲು ಹೆಚ್ಚಿನ ಗಮನ ಹರಿಸುತ್ತಿದೆ. ಗುತ್ತಿಗೆ ಸಿಬ್ಬಂದಿಯಿಂದ ದಿನಕ್ಕೆ ಮೂರು ಬಾರಿ ಮಾಡುವ ಕೋಚ್‌ಗಳ ಸ್ವಚ್ಛತೆಯನ್ನು ಶೀಘ್ರದಲ್ಲೇ ದಿನಕ್ಕೆ ಐದು ಬಾರಿ ನಡೆಸಲಾಗುವುದು ಎಂದು ಹಿರಿಯ ರೈಲ್ವೆ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಸಾಮಾನ್ಯವಾಗಿ ಆನ್ ಲೈನ್ ನಲ್ಲಿ ದೂರುಗಳು ಬಂದಿದ್ದು, ಬೋಗಿಗಳಲ್ಲಿ ಸಾಕಷ್ಟು ನೈರ್ಮಲ್ಯದ ಕೊರತೆಯನ್ನು ಪ್ರಯಾಣಿಕರು ಉಲ್ಲೇಖಿಸಿದ್ದಾರೆ. ಇದು ನಿಜವಾಗಿದ್ದು, ಕೋಚ್‌ಗಳ ಒಳಗೆ ಹೆಚ್ಚಿನ ಸ್ವಚ್ಛ ವಾತಾವರಣವನ್ನು ಖಚಿತಪಡಿಸಿಕೊಳ್ಳಲು ಕ್ರಮ ಕೈಗೊಳ್ಳುತ್ತೇವೆ ಎಂದು ಹೇಳಿದರು.
ಗುತ್ತಿಗೆ ಪಡೆದ ಸಿಬ್ಬಂದಿ ಪ್ರತಿ ಸ್ವಚ್ಛತಾ ಅವಧಿ ಮುಗಿದ ನಂತರ ಫೋಟೋಗಳನ್ನು ತೆಗೆದುಕೊಂಡು ಅಧಿಕಾರಿಗಳಿಗೆ ಕಳುಹಿಸಲು ತಿಳಿಸಲಾಗಿದೆ. ಈ ಉದ್ದೇಶಕ್ಕಾಗಿ ರೈಲ್ವೆ ಸಚಿವಾಲಯ ವಿಶೇಷ ಆ್ಯಪ್ ಅನ್ನು ಅಭಿವೃದ್ಧಿಪಡಿಸುತ್ತಿದೆ. ನಂತರ ಅದರೊಂದಿಗೆ ಅಪ್‌ಲೋಡ್ ಮಾಡಲಾಗುವುದು. ಬೆಂಗಳೂರು ವಿಭಾಗದಿಂದ ನಿರ್ವಹಿಸಲ್ಪಡುವ ದೂರದ ರೈಲುಗಳಲ್ಲಿ ಮಾತ್ರ ಈ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.