ಮಂಗಳೂರು : ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಏರ್ ಇಂಡಿಯಾ ವಿಮಾನದ ತಾಂತ್ರಿಕ ಅಡಚಣೆಯಿಂದಾಗಿ ಪ್ರಯಾಣಿಕರು ಪರದಾಡುವಂತೆ ಪರಿಸ್ಥಿತಿ ಎದುರಾಗಿತ್ತು.
ಮಂಗಳೂರು-ದಮಾಮ್ ನಡುವಿನ ಏರ್ ಇಂಡಿಯಾ ಎಕ್ಸ್ ಪ್ರೆಸ್ ವಿಮಾನದಲ್ಲಿ ತಾಂತ್ರಿಕ ಸಮಸ್ಯೆ ಕಂಡುಬಂತು. ಈ ಪರಿಣಾಮವಾಗಿ, ಟೇಕಾಫ್‌ಗೆ ಸಿದ್ಧವಾಗಿದ್ದ, ವಿಮಾನದಲ್ಲಿ ಲೈಟ್ ಆಫ್ ಆಯಿತು. ಲೈಟ್ ಆಫ್ ಆಗಿ ಕತ್ತಲೆಯಲ್ಲಿ ಕುಳಿತ ಪ್ರಯಾಣಿಕರಿಗೆ ಆತಂಕವಾಗಿತ್ತು.
ವಿಮಾನವೇರಿ ಕೂತಿದ್ದ, ಪ್ರಯಾಣಿಕರನ್ನು ಮತ್ತೆ ಏರ್‌ಪೋರ್ಟ್‌ ಲಾಂಜ್‌ಗೆ ಸಿಬ್ಬಂದಿ ಕಳುಹಿಸಿದರು. ಟೇಕಾಫ್ ರದ್ದುಗೊಳಿಸಿ ಪ್ರಯಾಣಿಕರನ್ನು ಮತ್ತೆ ಲಾಂಚ್‌ಗೆ ಏರ್ ಇಂಡಿಯಾ ಕಳುಹಿಸಿತು ಎಂದು ತಿಳಿದು ಬಂದಿದೆ.